30 ვარცხნილობის იდეა
ვარცხნილობა საქორწილო ლუქის უმნიშნელოვანესი ელემენტია. ამიტომ, აუცილებლად, კარგად უნდა მოიფიქროთ, როგორი გინდათ და სწორად უნდა შეარჩიოთ, მოგიხდებათ თუ არა. უმჯობესი იქნება, თუ ქორწილის დღეს ექსპერიმენტების ჩატარებას არ დაიწყებთ და თქვენს სტილისტთან წინა დღეებში შეათანხმებთ სასურველ ვარცხნილობას.
კაბა ვარცხნილობის შერჩევისას დიდ როლს თამაშობს. თუ გული დახურულია, უმჯობესია აწეული თმა ატაროთ და „კოსა“ გაიკეთოთ. თუ ზუგი მოხსნილია, გაშლილი თმა ძალიან მოუხდება შიშველ მხრებს.
თუ შეკრული თმა, მაინცდამაინც, არ გიხდებათ, ან, უბრალოდ, გაშლილი გინდათ ქორწილში ატაროთ, ბუნებრივად დახვეული ვარცხნილობა საუკეთესო ვარიანტია. შეიძლება ეს იყოს ცალ მხარეს ჩამოშლილი, შეიძლება იყოს მთლიანად გაშლილი და შეიძლება იყოს თმის ნაწილით, სამაგრით, რამე აქსესუარით ან ყვავილებით დამაგრებული.
ნაწნავი საუკეთესოა საგაზაფხულო, ან საზაფხულო ქორწილებისთვის. განსაკუთრებით მაშინ, თუ ცერემონია ღია ცის ქვეშ იმართება. „კოსა“ კლასიკური და ტრადიციული ქორწილებისთვისაა შესაფერისი.