ქორწილამდე

მე და გიორგიმ ერთმანეთი 4 წლის წინ, 24 ივლისს  გავიცანით.  ბათუმის ერთ-ერთ რესტორანში მეგობრებთან ერთად ჩემს დაბადების დღეს აღვნიშნავდი,  სადაც გვერდით მაგიდაზე გიორგი თავის მეგობრებთან ერთად ატარებდა საღამოს. საერთო მეგობარი აღმოგვაჩნდა, რომელიც იმ დროს იქ იმყოფებოდა და სწორედ მისი საშუალებით გავიცანით ერთმანეთი.  გიორგი თავიდანვე ძალიან გააქტიურდა  ჩვენს ურთიერთობაში, რის შედეგადაც მალე დავახლოვდით.  მუდმივი მიმოწერები და შეხვედრები  ისე მოულოდნელად და თავისით გადავიდა დიდ სიყვარულში, რომ ვერც კი მივხვდით.

ხელის თხოვნა

ხელის თხოვნა ძალიან მოულოდნელი და რა თქმა უნდა, უდიდესი ბედნიერების მომტანი იყო.  ჩვენი გაცნობიდან 2 წლის თავზე, ისევ 24 ივლისს,  ისევ ჩემს დაბადების დღეზე, ზუსტად იგივე რესტორანში, მეგობრების გარემოცვაში გიორგიმ საზეიმოდ და ამავდროულად ძალიან რომანტიკულად მთხოვა ხელი. ეს იყო ამ დაბადების დღის პირველი და განუმეორებელი საჩუქარი.

ქორწილის სამზადისი

ქორწილისთვის მზადება ყველაზე მხიარული, ბედნიერი და დაუზარელი დაღლა იყო ჩემს ცხოვრებაში.  სამზადისში მთლიანად ვიყავი ჩართული. ეს იყო საქმე, რომელიც არასოდეს დამზარებია და ძალიან დიდი სიამოვნებით ვაკეთებდი ყველაფერს.  უამრავი ადამიანი მეხმარებოდა ამაში და ისეთი ტემპით მიმდინარეობდა, რომ ვერც კი გავიგეთ, რა სწრაფად გავიდა დრო და ქორწილის დღეს როგორ მოვიდა.

კაბა

ბავშვობიდან ვოცნებობდი დიდ და გრანდიოზულ კაბაზე, უდიდესი შლეიფითა და ფატით. ჩემთვის და რა თქმა უნდა, ყველა დედოფლისათვის ყველაზე მნიშვნელოვანი საკითხი სწორედ ეს არის.  თავიდანვე ვიცოდი, რომ ჩემი ოცნების კაბის შექმნას, მხოლოდ მარიონელას მივანდობდი, შესაბამისად ამაზე ფიქრი დიდხანს არ დამჭირვებია. კაბის მონახაზის შექმნისას დიზაინი თავიდანვე ვიცოდი როგორი მინდოდა, მაგრამ მაინც ძალიან ვღელავდი. თუმცა მათ მოახერხეს ჩემი სრუილად დამშვიდება დამიხატეს ის მოდელი, რაც ჩემს გონებაში ტრიალებდა. ერთი სიტყვით ულამაზესი კაბა გამოგვივიდა საერთო იდეებით, რისთვისაც ძალიან დიდ მადლობას ვუხდი მარიონელას მთელ გუნდს!

თმა და მაკიაჟი

თმა და მაკიაჟი სილამაზის სალონ DAIMONDI-ში გავიკეთე.  ისეთი პროფესიონალების ხელში ვიყავი, რომ წამითაც არ  შემპარვია ეჭვი, რომ რამე შეიძლაბ ისე არ ყოფილიყო, როგორც მინდოდა და როგორც ჩაფიქრებული მქონდა. ჩემს მაკიაჟზე ანა პატარაიამ იზრუნა, რომელიც არაჩვეულებრივი ვიზაჟისტია.

ლოკაცია

ჯვარი ციხისძირის ულამაზეს ტაძარში დავიწერეთ, საიდანაც არაჩვეულერბივი ხედი იშლება ზღვაზე. ხელმოწერა და ქორწილი კი სასტუმრო LEOGRAND-ში გვქონდა.

ფოტოგრაფი და ფოტოსესია

ფოტოსა და ვიდეოზე Studio MSX-ის   უძლიერესი გუნდი მუშაობდა, რომელმაც მოახერხა, რომ ცუდი ამინდის მიუხედავად, არაჩვეულებრივი ფოტოები და ვიდეო კადრები დაგვრჩენოდა. ფოტოსესია გვქონდა სასტუმრო LEOGRAND-ში და უშუალოდ ქალაქში.

ქორწილი

ქორწილის დღეს ორივე ძალიან ვღელავდით, მაგრამ ამადროულად ძალიან ბედნიერები ვიყავით, ერთი სული გქვონდა ჩვენი პირველი შეხვედრა შემდგარიყო. სასტუმროში ფოტოსესიის შემდეგ ჯვარი დავიწერეთ, შემდეგ გარე ფოტოსესია გვქონდა, შემდეგ კი სასტუმროშ დაბრუნებულებმა ხელი მოვაწერეთ და დარბაზში გადავინაცვლეთ.  მიუხედავად იმისა, რომ ცუდი ამინდი იყო, ყველაფერმა მაინც იდეალურად ჩაიარა, იმაზე უკეთ, ვიდრე დაგეგმილი გვქონდა და ვიდრე ველოდით. საბოლოდ ყველა ძალიან ნასიამოვნები დარჩა. ეს დღე ჩვენი ულამაზესი მოგონებაა.

თაფლობის თვე

თაფლობის თვე ეგვიპტეში- ჰურგადას ულამაზეს სასტუმროში გავატარეთ. ულამაზესი და მართლაც თაფლივით ტკბილი 7 დღე!  ყოველი დღე დაუვიწყარი და სურპრიზებით აღსავსე იყო. ეს დღეები ორივეს სამუდამოდ გვემახსოვრება იმ ლამაზ დღეებთან ერთად რაც ჩვენმა უდიდესმა გრძნობამ გვაჩუქა ამ წლების მანძილზე.

რჩევა მომავალ პატარძლებს

ჩემი რჩევა  იქნება, რომ შეეცადონ იყვნენ მშვიდად, არ აღელდენ და ყველაფერი კარგად იქნება. ზედმეტი ნერვიულობა პირიქით, ნეგატიურად აისახება ქორწილის მსვლელობაზე. რაც მთავარია, არ დაეზაროთ ქორწილის დაგეგმვა და არ მიანდონ ეს საქმე სხვას. აუცილებლად აისრულონ ყველა ის ოცნება და ჩანაფიქრი, რაც აქამდე ჰქონდათ და გააკეთონ ისეთი ქორწილი, როგორიც ყოველთვის წარმოედგინათ!