ქორწილამდე

მე და გიორგიმ ერთმანეთი 8 წლის წინ, 2009 წელს გავიცანით, მაშინ 15 წლის ვიყავი. მე რუსეთში ვცხოვრობდი, გიორგი-საქართველოში. თავიდან უბრალოდ ვმეგობრობდით, მხოლოდ ზაფხულობით ვხვდებოდით ერთმანეთს, როდესაც საქართველოში ჩამოვიოდი. თუმცა ჩვენი ურთიერთობა იყო რაღაც მეგობრობაზე მეტი და რუსეთში ყოფნის დროსაც სულ გვქონდა კონტაქტი. ასე გაგრძელდა სამი წლის მანძილზე. 2012 წლის ზამთარში, როდესაც მოსკოვიდან თბილისში დავბრუნდი, ერთ დღეს გიორგიმ ძალიან რომანტიკულად და ლამაზად ამიხსნა სიყვარული. მალე გრძნობა ორმხრივ სიყვარულში გადაიზადრა და 4 წლის შემდეგ ქორწილით დავაგვირგვინეთ.

ხელის თხოვნა

ხელის თხოვნა ტრადიციული გვქონდა. წინასწარ დავგეგმეთ და 2016 წლის 25 ივლისს დავთქვით ნიშნობის თარიღი. ნიშნობის დღეს გიორგი თავის ოჯახის წევრებთან ერთად გვესტუმრა და ოჯახურ გარემოში მთხოვა ხელი.

მზადება

ქორწილის სამზადისი ზუსტად ერთი თვით ადრე დავიწყეთ. ძალიან რთული, მაგრამ, რა თქმა უნდა, ამავედროს ძალიან სასიამოვნო პროცესი იყო.  უამრავი ადამიანი მედგა გვერდში და მეხმარებოდა, ოჯახის წევრები, მეგობრები.  ძალიან ვღელავდი ყველა დეტალზე.  მინდოდა, რომ  ყველაფერი უმაღლეს დონეზე ყოფილიყო ამ დღეს. საბედნიეროდ გვერდში მყოფი ჩემი საყვარელი ადამიანები მუდამ მამხნევებდნენ და მეხმარებოდნენ, რომ ჩემი ოცნებები სისრულეში მომეყვანა და ვფიქრობ გამომივიდა კიდეც.

კაბა

კაბა ყველთვის  მინდოდა მცმოდა გრანდიოზული, როგორზეც დარწმუნებული ვარ ყველა გოგო ოცნებობს. სულ ვიცოდი, რომ  კაბა აუცილებლად მარიონელასი იქნებოდა. პირველივე მისვლაზე ვნახე ზუსტად ის მოდელი, როგორიც მინდოდა და როგორიც წარმომედგინა, რომ მეცმეოდა და არჩევანიც მაშინვე მასზე შევაჩერე.

თმა და მაკიაჟი

თმა და მაკიაჟი გადავწყვიტე, რომ სახლში გამეკეთებინა. ამიტომ ვიზაჟისტიც და სტილისტიც შინ მოვიწვიე. ჩემს მაკიაჟზე იზრუნა  უსაყვარლესმა მარიამ ხუციშვილმა, რომელმაც ყველაფერი ზუსტად ისე გამიკეთა, როგორც მინდოდა. ძალიან დიდ მადლობას ვუხდი ამისთვის მარიამს.

ლოკაცია

ჩემი და გიორგის, ორივეს ოცნება იყო ჯვრისწერა სვეტიცხოველში გვქონოდა და ეს ოცნება ავიხდინეთ. ამით ძალიან ბედნიერები ვიყავით.  ქორწილი გვქონდა ულამაზეს რესტორან „ქართულ სახლში“, რომლის ეზოშივე გავმართეთ ხელის მოწერის ცერემონია. ყველაფერი უმაღლეს დონეზე იყო ორგანიზებული, რისთვისაც ძალიან დიდ მადლობას ვუხდი ქართული სახლის პერსონალს.

ფოტოგრაფი და ფოტოსესია

ფოტოგრაფზე ბევრი არ მიფიქრია, ძალიან მომწონდა „Lig studio”, რომელიც აღმოჩნდა, რომ ქართულ სახლთანაც თანამშრომლობდა, შესაბამისად  აღარც დავფიქრებულვართ, მაშინვე ის ავირჩიეთ. ფოტოსესია გვქონდა შატო მუხრანში, სადაც ულამაზესი ფოტოები გამოვიდა.

ქორწილი

ქორწილის დღეს გიორგი ოჯახში გვესტუმრა, საიდანაც ჯერ შატო მუხრანში გავეშურეთ. ფოტოსესიის შემდეგ გქვონდა ჯვრისწერა, ხოლო ბოლოს რესტორანში მისულებს ხელის მოწერის ცერემონია.  ჩვენს მეგობრებთან ერთად უამრავი საჩვენებელი ნომერი დავდგით. ძალიან ბევრი ცეკვა იყო. მე ვიმღერე კიდეც. ჩემმა დაქალებმა სიურპრიზი გაგვიკეთეს და მე და გიორგის სიმღერა მოგვიძღვნეს, ჩვენივე ისტორიაზე დაწერილი, თუ როგორ გავიცანით ერთმანეთი და ა.შ.  ამ დღის ყოველ წუთი გათვლილი მქონდა, ყველაფერი შედგა და საბოლოო ჯამში კარგად ორგანიზებული ქორწილი გამოვიდა. ყველა ძალიან კმაყოფილი დარჩა.

საქორწინო მოგზაურობ

საქორწინო მოგზაურობაში თურქეთში ვიყავით, სადაც 10 ტკბილი დღე გავატარეთ.  ლამაზი მოგონებებითა და ძალიან ნასიამოვნები დავბრუნდით.

რჩევა მომავალ პატარძლებს 

პირველ რიგში ყველა გოგოს, რა თქმა უნდა, იმას ვურჩევ, რომ არ ინერვიულონ და დატკბნენ ყოველი წამით. აუცილებლად აისრულონ ყველა ოცნება და ჩანაფიქრი, რაც აქვთ და გააკეთონ ისეთი ქორწილი, როგორზეც ოცნებობდნენ ყოველთვის!

ყველას დიდ სიყვარულსა და ბედნიერებას ვუსურვებ! <3