საპატარძლო კაბების 2015 წლის ტენდენციები
ძალიან ბევრი ჩვენებისა და კიდევ უფრო მეტი საქორწილო კაბის ნახვის შემდეგ, გამოიკვეთა 2015 წლის ტენდენციები. მათი გაცნობით მომავალ პატარძლებს უფრო გაუადვილდებათ საქორწილო ლუქის არჩევა. გაითვალისწინეთ ტრენდები, აამუშავეთ თქვენი ფანტაზია, კარგად მოირგეთ კაბა და საქორწილო ფოტოების თვალიერებისას, მრავალი წლის შემდეგაც კი მოხიბლული დარჩებით თქვენი ლუქით.
- ჰაეროვანი ქსოვილები
ასეთი თხელი და ჰაერივით მსუბუქი ნაჭრები სინაზისა და თავისუფლების შეგრძნებებს იწვევს. მსგავს კაბაში პატარძალიც ძალიან კომფორტულად გრძნობს თავს და მოძრაობაც ადვილია.
- წელზე გადაჭრილი კაბები
წელზე გადაჭრილი კაბები და ტოპები ტენდენციურია არა მხოლოდ ქორწილის დღეს, არამედ წინასაქორწილო წვეულებებზეც. მსგავსი კაბები თანამედროვეა, მოდურია და რაც მთავარია, თქვენს ლამაზ წელს გამოაჩენს.
- დახურული ყელი
თუ რაღაც განსხვავებულს ეძებთ და არ გინდათ, ტრადიციულად, სამკაულებით დაიმშვენოთ ყელი, მაშინ შეგიძლიათ კაბა შექმნათ ისეთი, რომელსაც ყელსაბამი არ დასჭირდება.
- მინიმალიზმი
მინიმალიზმი თქვენი ლამაზი სხეულის წარმოჩენის საუკეთესო საშუალებაა. ნაზი, სადა სილუეტები ყველა დეტალს წარმოაჩენს. თუმცა, თუ იდეალური სხეული არ გაქვთ, მსგავსი ქსოვილისა და დიზაინის კაბის ჩაცმას არ გირჩევთ.
- გადასული მხრები
ბევრი დიზაინერი გვთავაზობს 2015 წლის კოლექციაში გადასულმხრებიან კაბებს. ეს კარგი საშუალებაა გამოაჩინო ლამაზი ყელი და შექმნა ნაზი სილუეტი მხრებთან.
- ფერები
ვინ თქვა რომ მაინცდამაინც თეთრი უნდა იყოს თქვენი საქორწილო კაბა? ეს ხომ საქორწილო მითებიდან ერთ-ერთია. დიზაინერები გვთავაზობენ სხვადასხვა პასტელური ფერის ულამაზეს კაბებს.
