ალბათ, ყველა ყოფილა ქორწილში. თუ სტუმრების განლაგება კარგად არ არის ორგანიზებული, საკუთარი ადგილის ძებნა დიდხანს გვიწევს, რაც არაკომფორტულია. თქვენს ქორწილზე მოწვეულმა ახლობლებმა თავი უხერხულად რომ არ იგრძნონ, გთავაზობთ რამდენიმე რჩევას.

ქორწილზე ყველა სტუმარისთვის ზუსტადაა გათვლილი ადგილებისა და მაგიდების რაოდენობა. ზოგჯერ, ორგანიზატორები არა მხოლოდ იმას ანაწილებენ, ვინ რომელ მაგიდაზე უნდა დაჯდეს, არამეს იმასაც, ვინ რომელ ადგილზე ზის. სტუმრისთვის მართლაც რთულია, საკუთარი  სახელის ძებნა მაგიდებზე მოთავსებულ უამრავ ბარათს შორის დაიწყოს. ამიტომ, გირჩევთ, მოაწყოთ ერთი კუთხე, სადაც სიას განათავსებთ.

თუ ქორწილი კლასიკურ სტილში გაქვთ, ჩარჩო შეგიძლიათ გამოიყენოთ. თუ ღია ცის ქვეშ გაქვთ, შეგიძლიათ ფურცხლები თოკებზე ჩამოკიდოთ, ან მოაწყოთ ყვავილების კუთხე და მათ ჩასაწყობებს დაამაგროთ სიები. თუ ქორწილი სოფლად გაქვთ, ამისთვის ხის მსხვილი ტოტების გამოყენება შეიძლება. თუ ამ კუთხისთვის განსაკუთრებული ყურადღების დათმობა არ გინდათ, მაშინ უბრალო, სადა მოლბერტზე შეგიძლიათ განათავსოთ სიები.

მოკლედ, უამრავი ვარიანტი არსებობს. გთავაზობთ რამდენიმე მათგანს ინსპირაციისთვის.