უმთავრესი კრიტერიუმი, რასაც ფეხსაცმელი უნდა აკმაყოფილებდეს კომფორტულობაა. თუ ფეხსაცმელში თავს იდეალურად არ გრძნობთ, ეს აუცილებლად აისახება თქვენს განწყობაზე. დამეთანხმებით, ცუდ ხასიათზე ყოფნა ქორწილში არავის უნდა. ამიტომ, კარგად მოისინჯეთ, ბევრი იარეთ და დარწმუნდით, რომ შერჩეული ფეხსაცმლით მთელი დღის გატარებას ნამდვილად შეძლებთ. სასურველია, საქორწილო ფეხსაცმელი ძალიან მაღალ ქუსლიანი არ იყოს.

რაც შეეხება დიზაინს, ეს თქვენი გემოვნების საკითხია. ზოგჯერ, პატარძლები არ იცვამენ თეთრ, კლასიკურ ფეხსაცმელს და მის ტონებს იმის მიხედვით ცვლიან, თუ რა ფერშია გადაწყვეტილი ქორწილი. შეგიძლიათ, ამ მეთოდს თქვენც მიმართოთ.

თუ კაბა ძალიან გრძელია, არ იფიქროთ, ფეხსაცმელი მაინც არ გამოჩნდებაო და უგულისყუროდ არ აარჩიოთ. გახსოვდეთ, ამ დღეს ყველას ყურადღება პატარძლისკენაა მიმართული, ამიტომ ყველა დეტალის გათვალისწინება აუცილებელია. ბოლოს და ბოლოს, კარგ ფოტოებს გადაიღებთ ლამაზი ფეხსაცმლის გამოყენებით.