„იქნები ჩემი მეჯვარე?“ – როცა ჩვენი მეგობარი თხოვდება, ამ კითხვას არც კი ველოდებით ისე ვიწყებთ ფიქრს იმაზე, თუ როგორი კაბა ჩავიცვათ, როგორი ვარცხნილობა გავიკეთოთ, როგორი თაიგული უნდა გვეჭიროს, ფეხსაცმელი ლამაზიც უნდა იყოს და კომფორტულიც… ერთი სიტყვით, უამრავ დეტალზე გვიწევს ფიქრი, იმისთვის, რომ ყველაფერმა იდეალურად ჩაიაროს.

ფილმებში ხშირად ვხედავთ, რომ მეჯვარეების რაოდენობა ყოველთვის ორზე მეტია. ეს დასავლური ტრადიცია უკვე საქართველოშიც იკიდებს ფეხს. სულ უფრო და უფრო ნაკლებ პატარძალს ჰყავს მხოლოდ ერთი მეჯვარე.

იდეალურია, როცა ყველა პატარძლის მეგობარი ერთი ფერის კაბაშია გამოწყობილი. ხშირია, რომ ყველა მათგანს იდენტური კაბა აცვია. ზოგი სხვადასხვა მოდელს არჩევს, თუმცა ფერს და ნაჭერს არ ცვლის. ეს თქვენს ფანტაზიაზე და ქორწილის იდეაზეა დამოკიდებული.

გთავაზობთ ფოტოებს, რომლებიც შთაგაგონებთ და დაგეხმარებათ მოიფიქროთ, როგორ უნდა გამოიყურებოდეს მეჯვარე და როგორი თაიგული უნდა ეჭიროს მას.