ქორწილამდე

მე და გიორგიმ ქორწილამდე 1 წლით ადრე გავიცანით ერთმანეთი. გაგეცინებათ და ჯერ დედამთილი გავიცანი და შემდეგ მეუღლე. მე თითონ jungle fever-ში ვმუშაობ, კერძო კომპანიაში, რომელიც სალონებს ემსახურება. სამსახურიდან გამომდინარე ჩემი მომავალი დედამთილის სალონში მომიწია მისვლა, სადაც სადედამთილო დამხვდა და ძალიან მოვეწონე. ჩემს მეუღლეს  გაეხუმრა:  კარგი სარძლო ავარჩიეო, მაგრამ გიორგის მაშინ ყურადღება არ მიუქცევია ამ ნათქვამისთვის. როგორც თვითონ მეუბნება, ბევრს სთავაზობდა, მაგრამ განსაკუთრებულ ყურადღებას არავის აქცევდა. მაგრამ ერთხელ მისი და ჩემს ფოტოებს ათვალიერებდა, როდესაც ძალიან მოვწონებივარ. შემდეგ სადღაც შემთხვევით შევხვდით, თუმცა  არ ვიცნობდით ერთმანეთს და არ დვალაპარაკებივართ.  ჩვენი რამდენიმე საერთო ახლობლისგან გაიგო ჩემზე რაღაცეები და ამის შემდეგ დამეკონტაქტა.  ჩვენი ურთიერთობა თავიდან მიმოწერით დაიწყო და შეხვედრებით გაგრძელდა.  ამ ყველაფრის შემდეგ დიდი ხანი  ვხვდებოდით ერთმანეთს. გაგიჟებული შეყვარებულები არ ვყოფილვრთ, ყოველთვის დისტანცია იყო ჩვენს შორის. ერთ დღესაც, სიმბოლურად 14 თებერვალს, რომანტიულ გარემოში გიორგიმ მიმახვედრა, რომ ვუყვარდი და ამ დღიდან ჩვენი ურთიერთობაც უფრო სერიოზულ ფაზაში შევიდა.

ხელის თხოვნა

ხელის თხოვნა არ ყოფილა.  ამ თემაზე არც არასდროს არ გვქონდა ნალაპარაკები და ვიცოდი, რომ არ ვიჩქარებდით, მაგრამ ერთ დღეს, ჩვენი ურთიერთობიდან 1 წლის თავზე  მითხრა, რომ ქუთაისში მეგობართან საქმე ჰქონდა და მთხოვა რომ მეც წავყოლოდი, თან შემპირდა, რომ ისევ უკან ჩამომიყვანდა. დავთანხმდი, მაგრამ აღმოჩნდა, რომ უბრალოდ მეგობართან კი არა, ცოლად მივყავდი.

მზადება ქორწილისთვი

ქორწილის სამზადისი იყო ძალიან სასიამოვნო პროცესი, ამავედროს საერთოდ არ ყოფილა პრობლემური და არ გამჭირვებია, ვინაიდან ამის ძირითადი ნაწილი პროფესიონალ დიზაინერს, ხათუნა იმნაძეს და მის შემოქმედებით ჯგუფს “მარიაჟს” მივანდე.  ამ გუნდმა აიღო საკუთარ თავზე თითქმსი ყველაფერი, მოაგვარეს დიზაინის, კაბის, ტორტის, თმისა და მაკიაჟის საკითხი, ყველაფერი იყო ის, რაც მინდოდა და რაც წარმომედგინა. უღრმესი მადლობა მინდა გადავუხადო მათ, რათა არსებობენ  და გამილამაზეს ეს  უბედნიერესი დღე.

კაბა

ჩემი საქორწინო კაბაც მარიაჟმა შექმნა. როდესაც დიზაინის თაობაზე დასალაპარაკებლად მივედი,  ვნახე შექმნის პროცესში მყოფი კაბა, რომელსაც ქალბატონი ხათუნა კერავდა და რომელიც ძალიან მომეწონა. დანახვისთანავე მივხვდი, რომ ეს უნდა ყოფილიყო ის, რაც მეცმეოდა ამ დღეს. მართლაც, არ შევცმდარვარ და კაბა არაჩვეულებრივი გამოვიდა.

თმა და მაკიაჟი

თმაზე სალონ მამეზონმა იზრუნა, ხოლო მაკიაჟზე უძლიერესმა ვიზაჟისტმა, ანა პატარაიამ, რომელიც ნამდვილი პროფესიონალია თავის საქმეში! ძალიან კმაყოფილი დავრჩი.

ფოტოგრაფი და ფოტოსესია

ფოტოსესია ბათუმში გაიმართა. ფოტოგრაფი გვყავდა “asa studio”, რომელსაც არაჩვეულებრივი გუნდი ჰყავს.

საუკეთესო განწყობა შექმნეს ქორწილში და რაც მთავარია საოცარი ფოტო მასალა დაგვიტოვეს სამახსოვროდ.

ლოკაცია

ჯვარი დავიწერეთ ანდრია პირველწოდებულის სახელობის ტაძარში. ხელისს მოწერის ცერემონია ციხისძირში, castello mare-ში გვქონდა, ხოლო უშუალოდ ქორწილი  წვეულებათა სახლ ერაში გაიმართა.

ქორწილი

თამამად შემიძლია ვთქა, რომ ეს იყო ზუსტად ის ქოწრილი, როგორზეც ვფიქრობდი და ვოცნებობდი.

ყველაფერი ისე იყო, როგორც იდეაში მქონდა დალაგებული და ჩაფიქრებული. სწორედ ეს მინდოდა!

სტუმრებმა იმდენად ისიამოვნეს, რომ სახლში წასვლა არავის უნდოდა, ძალიან გვაინ დავიშალეთ.

ქორწილი იყო კარგად დაგეგმილი, არ იყო მხოლოდ ცეკვები და სადღეგრძელოები, წინასწარ გვქონდა მომზადებული სახალისო გათამაშებები და სპეციალურად ამისთვის პრიზები. ქორწილის მერე ყველა გვირეკავდა და გვეუბნებოდნენ, რომ არაჩვეულებრივი დრო გაატარეს და მართლაც დასამახსოვრებელი იყო ეს დღე.  უზომოდ კმაყოფილი ვარ!

საქორწინო მოგზაურობა

თაფლობის თვის დაგეგმვამდე  გავიგეთ, რომ მე და გიორგი მალე მშობლები გავხდებოდით. პირადმა ექიმმა ამ მდგომარეობაში ფრენა და გრძელ გზაზე მგზავრობა ამიკრძალა, ამიტომ ბავშვის დაბადებამდე მოგზაურობა გადავდეთ. თუმცა შემდეგ აუცილებლად ვაპირებთ მოგზაურობას.

რჩევა მომავალ პატარძლებს

ვურჩევდი, რომ ქორწილის დღეს იყვნენ თამამები და ლაღები. საქორწინო სამზადისი კი მიანდონ ისეთ ადამიანებს, რომლებიც თავისი საქმის პროფესიონალები არიან და  სანერვიულოც აღარაფერი ექნებათ!