TOP

“..ვუყურებდით ერთმანეთს და ეს მომენტი იყო პირველი შეხედვაც და შეყვარებაც”

IMG_8517

ქორწილამდე

16939308_1194805940636613_6109239171759330466_nერთმანეთი ჩემს ბანკეტზე გავიცანით. ჩემი მძღოლი იყო. მთელი დღის განმავლობაში ყურადღება არ მიმიქცევია. ბოლოს სვეტიცხოველში ვიყავით და ჩვენთან იდგა, უცხო მეგონა და საჩხუბრად დავაპირე მისვლა, ფოტოსეშიაში ხელს ნუ გვიშლი-თქო. ზუსტად ამ დროს დაელაპარაკა ჩემს მეწყვილეს და მივხვდი, რომ ჩვენთან იყო. ამ დროს კი გამოვიდა ისე, რომ მე ანთებული, გაბრაზებული თვალებით, ის კი თბილი ღიმილითა და თავისი დიდი ლამაზი თვალებით, ვუყურებდით ერთმანეთს  და ზუსტად ეს მომენტი იყო პირველი შეხედვაც და შეყვარებაც.

ხელის თხოვნა

 საერთოდ, ურთიერთობის რაღაც ეტაპიდან ხშირად ვსაუბრობდით ოჯახზეც და მომავალზეც. გამომდინარე აქედან, ძალიან მოულოდნელი არ იყო გაცნობიდან ორი წლის თავზე ხელის თხოვნა, თუმცა ბოლომდე მაინც არ მჯეროდა, რომ ხელს მთხოვდა. მაშინაც კი, როცა დაჩოქილი იყო.
ჩვეულებრივი დღე მქონდა, უნივერსიტეტში ვიყავი გამოცდაზე. მე და ჩემი დაქალი შევხვდით უნიში და გიორგიმ გამოგვიარა. ზუსტად არ მითხრეს სად მივდიოდით, ცოტა დაღლილი ვიყავი და მანქანში წავუძინე კიდეც. გარდენიაში მიმიყვანა, უნდა გვესეირნა წესით და როგორც შევედით და თაღი დაინახა, დაიჩოქა და ხელი მთხოვა. ძალიან ვღელავდით, მეც და ისიც. პირველად ვნახე, რომ ხმა უკანკალებდა.

მზადება ქორწილისთვის

ქორწილის სამზადისი ძალიან შრომატევადი აღმოჩნდა. 20 დღეში მოვემზადეთ. რა თქმა უნდა, ოჯახებისა და მეგობრების დახმარებით

კაბა

კაბა ვიქირავე მარჯანიშვილზე მდებარე ერთ-ერთი მაღაზია N sopossa-ში. როდესაც ჩავიცვი, მივხვდი, რომ ის კაბა იყო, რომელსაც ვეძებდი და ასეც აღმოჩნდა.

IMG_7740

თმა და მაკიაჟი

თმა და მაკიაჟი სილამაზის აკადემიაში გავიკეთე. მაკიაჟი გამიკეთა ანა ბერიძემ. ზუსტად ის გამიკეთეს, რაც მინდოდა და ძალიან კმაყოფილი ვარ მათი მუშაობით.

IMG_77699

ლოკაცია

ჯვრისწერა თემქაზე წმ.მარკოზ ეფესელის სახელობის ტაძარში გაიმართა,ხელი მთაწმინდის ქორწინების სახლში მოვაწერეთ…განსაკუთრებით შერჩეული ადგოლო საბადურის ტყე იყო, სადაც მთავარი ფოტოსესია გვქონდა.

ფოტოგრაფი და ფოტოსესია

ჩვენი ფოტოგრაფი იყო გიორგი კავთიაშვილი, ხოლო ვიდეოგადამღები – დათო თვარაძე.  ორივესთან ძალიან სასიამოვნო იყო მუშაობის პროცესი. ვინაიდან ფოტოების გადაღება მიყვარს, არ მინდოდა გადაღების დასრულება. ჩვენ დროში შეზღუდულები ვიყავით, რადგან სოფელში იყო ჩვენი დარბაზი, თუმცა ფოტოგრფმა და ვიდეოგრაფმა მაინც მოახერხეს საკუთარი საქმის ხარისხიანად შესრულება. მათი მუშაობითაც ძალიან კმაყოფილი ვარ.

ქორწილი

ქორწილის მსვლელობისას იყო პატარა ხელისშემშლელი ფაქტორები, თუმცა საბოლოოდ მაინც კარგად ჩაიარა ყველაფერმა. ალბათ სტუმრებიც კმაყოფილები დარჩნენ

საქორწინო მოგზაურობა

მოგზაურობაში ჯერ არ წავსულვართ ვინაიდან ორივე დაკავებულები ვართ…ზამთრის არდადაგებზე დავგეგმავთ გაგზავრებას.

რჩევა მომავალ პატარძლებს

ყველა პატარძალს ვურჩევ მაქსიმალურად ლამაზები იყვნენ. ჩაიცვან დიდებულად და გაიკეთონ დიდებული მაკიაჟი, სისადავე ყოველდღიურობაშიც მოასწრებენ! ხოლო ქართველ პატარძლებს ვურჩევ, რომ  ხალხის აზრზე არ იფიქრონ საღამოს უნდა მოეშვათ დალიოთ და ბოლომდე ისიამოვნოთ თქვენი დღესასწაულით. ბედნიერებას და დაუვიწყარ ქორწილს ვუსურვებ ყველას ! 

IMG_8448IMG_79088IMG_80200IMG_8066IMG_8179IMG_8209IMG_8441IMG_8448IMG_8917 (2)IMG_9126IMG_9209

კომენტარები